Во имя Воскресенiя Святой Царской Православной и Самодержавной Руси!
СОБОРНАЯ МОЛИТВА ПО СОГЛАШЕНIЮ
Гoсподи Iисусе Христе! Прiими молитву нашу о Церкви Твоей Святей приносимую, о всех людех Твоих, их же искупил еси Честнoю Tвoею Крoвiю. Прiими молитву сiю о благоверных царех и царицех, князех и княгинех, епископех и священницех, монасех и бельцех, воинех и младенцех, за Веру и Царство Православныя подвизающихся, наипаче же от клеврет сатанинских умученных, и молитвами их даруй нам, чрез воскресенiе преподобнаго отца нашего Серафима Саровского, на последнiя времена Царя Православнаго и Самодержавное Царство его в щит и огражденiе и сохраненiе и спасенiе Церкви Твоей Святей.
Господи! Воскреси Святую Царскую Православную Русь!
Господи, Боже наш, даруй всем православным христианам уразумети, яко за измену нашу клятвопреступную Ты отъял еси Царя от народа Своего. Открый Твоим людем умныя очи сердечныя, видети, яко от тоя измены куплены вси кровiю святаго Царя Николая, Христу в подобiе, дабы соборне славити нам Царя искупителем во славу Христову, и тако от раскаянiя в покаянiе прiидем, для того бо куплены от соборныя смерти.
Господи, помяни Грядущего Государя нашего и ны [имена сомолитвенников] и вся люди Твоя, отцы и братiю нашу, воскресенiе преподобнаго Серафима чающих и о восстановленiи Царства Православнаго и Самодержавнаго подвизающихся, и укрепи силою Духа Твоего Святаго во брани до конца претерпети и устояти, и венцев небесных сподобитися.
Твое бо есть еже миловати и спасати ны, Боже наш, и Тебе славу возсылаем, Отцу и Сыну и Святому Духу, ныне и присно, и во веки веков. Аминь.
